Davao City- Giklaro sa City Traffic and Transport Management Office (CTTMO) nga gidid-an makaagi sa Coastal Road ang mga truck nga adunay gibug-aton nga 4.5 tons.
Sumala ni CTTMO Head Dionisio Abude, bag-o pa kaayo ang coastal road ug gina-obserbahan pa ang structural integrity niini, hinungdang dili una paagian sa mga bug-at nga truck ug apil na nga covered sa truck ban.
Gidid-an usab nga makaagi sa coastal road ang tanang Public Utility Vehicles (PUV) sama sa mga bus, Public Utility Jeepney (PUJ) ug tricycles.
Gipasabot sa CTTMO Chief, bugtong gitugotan lamang mao ang mga mini dump truck ug mini vans nga mutimbang paubos sa 4.5 tons.
RadyoMaN Joel Viray
Facebook Comments
