Davao City – Gikatakdang magpahigayon og simultaneous mock election ugmang adlawa, Enero 19, ang mga polling precincts sa Davao del Sur dinhi sa Rehiyon 11.
Sumala mi Commission on Election (COMELEC-XI) spokesperson Atty. Krisna Samantha Caballero, agi’g pagpangandam kini sa maong mga polling precincts sa mga syudad sa Digos ug Bansalan alang umaabot ng 2019 midterm election.
Gitataw ni Caballero nga mugamit kini og Voters’ Registration Verification System (VRVS) aron mas mapadali ang trabaho sa poll body sa pag-ila sa usa ka residente kung rehistradong botante ba kini sa lugar kung asa kini mubotar.
Tumong sa mock elections nga masulayan ang security features, accuracy ug integridad sa Vote Counting Machines (VCMs) ug ang VRVS, ingon man ang transmission sa mga boto ug ang Consolidation ug Canvassing System.
Nasayran nga 60 ka mga syudad ang napili sa tibuok nasud-Pilipinas diin dinhi sa Mindanao, himuon ang mock polls sa mga dapit sa Dapitan City, Sergio Osmeña Sr., sa Zamboanga del Norte; Sergio Osmeña Sr., Digos City, Bansalan, Davao del Sur; General Santos, Surallah, South Cotabato; Jolo, Sulu; Lamitan ug Sumisip sa Basilan.
Gitakdang sugdan ang mock elections gikan alas-5:00 sa buntag hangtod ala-1:00 sa hapon diin adunay mga personahe gikan sa Comelec-Manila ang moabot sa maong mga lugar.
RadyoMaN Jason Amisola
