Dipolog City – Agig pagpangandam simbako kon dunay mga emerhensiya ug panghitabo sa palibot nga makapatandog sa kahapsay ug kalinaw, plano karon sa kapolisan dinhi sa dakbayan sa Dipolog pinaagi sa hepe nga si PSUPT. Lito L. Andaya nga magpahigayon ug simulation exercises o (Simex) matag Barangay.
Kahinumduman nga kanunay na kining ginahimo sa Dipolog City Police Station sa ilang mga police personnel sa managlahing dapit sa siyudad apan gusto sa hepe nga molambigit na niini ang matag Barangay.
Kagahapon sa buntag una kining gipahigayon didto sa Barangay Turno kon diin adunay sinaryo nga gihimo, mao ang pagpanghostage sulod sa Barangay Hall.
Didto na nihimo ug precautionary measures ang mga Barangay Officials sa maong Barangay sa pagdumala ni kapitan James Cyril Toytoy Ruiz III kon unsa pod ang ilang buhaton ug asa sab nila ipangdeploy ang ilang mga Barangay Tanod.
Sa maong assessment, Sumala pa ni SPO4 Roel Talaid nga nainterbiyo sa rmn dxdr nga daghanan silang nakitang lapses sa maong Simex kon diin dunay wala pa kaayo kahibalo kon asa gayud sila moposisyon ug asa nila ibutang ang mga Tanod.
Gidungan pa ni Talaid nga ang nakitang kakulangon maoy unyay ikorek sa hepe nga si Andaya aron sa ingon makahibalo gayud ang mga Barangay opisyal ug Barangay Tanod kon asa sila moposisyon panahon sa emerhensiya.
Ang maong Simex naka nakakoordinar kini sa Local Government sa Dipolog nga gani mismo gitambungan ni Mayor Darel Dexter Uy uban ang Crisis Management.
Laoman nga dunay pay musunod nga simex ug target sa kapolisan himuon sa uban Barangy lukop sa kabarangayan sa Dipolog nga way lain tumong ug tuyo aron ma-aware ug mapangandaman sibako dunay panghitabo matag barangay dinhi sa dakbayan. (r.m)
