Davao City – Hitsas na ang tanang preparasyon alang sa ilusad nga nationwide simultaneous earthquake drill sa pipila ka dapit sa rehiyon onse ugmang adlawa.
Gibutyag ni Office of the Civil Defense 11 Spokesperson Franz Irag nga dungan himuon sa lokal ug nasudnong buhatan sa palibot sa rehiyon ang earthquake drill nga magsugod alas-2:00 sa kahaponon ugmang adlawa.
Segun ni Irag, pilot area ang Mati City Davao Oriental aning ikaduhang hugna sa earthquake drill alang sa 2nd quarter karong tuiga diin ang syudad sa Dabaw ug pipila ka national offices sama sa PNP magpahigayon sab og separar sa mao nga aktibidad.
Gipasabot pa sa opisyal nga matag quarter duha ka hugna sa simultaneous nationwide earthquake drill ang ginahimo kun dunay walo ka drill sa tibuok tuig diin sa buwan sa hulyo usa ka citywide earthquake drill ang mahitabo sa Davao City.
RadyoMaN Joel Viray
