Lagob sa nagkalain-lain nga bahin sang lawas ang ginbalon ni Jimmuil Abellar, 23 anyos sang Brgy. San Juan , Molo, Iloilo City gikan sa birthday party matapos gintapungol sang nobyo sang iya ex-live in partner sang Martes sang gab-i .
Suno kay SPO2 Romelo Tabuyoc, gin-imbitrar ni alyas Anna ang iya ex live in partner nga si Jimmuil sa birthday party.
Sang nagpa-uli na si Jimmuil, gindul-ong siya ni Anna upod ang abyan nga si alyas Fe.
Ginpahayag ni Tabuyoc nga ginsundan ang mga ini ni Jeric Tulio Villa, legal ang edad, residente sang nasambit nga lugar kag nobyo ni Anna kag sang iya makita nga gin-agbayan ni Jimmuil ang nobya, iya ini ginpa-ulanan sang tapungol kag nagbulig man ang abyan ni Jeric nga si RJ Dalanon sa pagsapote sa biktima.
Suno naman kay Anna, wala naman sang malisya sa iya ang pag-agbay sang ex live in partner bangud mag-abyan man sila.
Bangud sang natabo, nakaangkon sang lagob sa nagkalain-lain nga bahin sang lawas ang biktima samtang nakapalagyo naman ang mga suspetsado.
(photo from web)
