Singil sa kuryente ngayong buwan, magtataas ayon sa Meralco

May pagtaas sa singil sa kuryente ngayong buwan ng Pebrero, ayon sa Manila Electric Company (Meralco).

Ayon sa Meralco, aabot sa 22 sentimo kada kilowatt-hour (kWh) ang itataas sa billing.

Bunsod ito ng pagtaas ng transmission at universal charges.

Ang mga kumokonsumo ng 200 kWh ay magkakaroon ng humigit-kumulang ₱45 na dagdag-singil, ₱67 naman para sa 300 kWh, ₱89 para sa 400 kWh, at ₱111 para sa 500 kWh na konsumo.