General Santos City—Misaka karon ang singil sa bayranan sa Kuryente sa South Cotabato II Electric Cooperative alang karong bulan sa Disyembre. Sa datus nga nakuha sa RMN Gensan misaka og .25 centavos matag Kilowatt Hour ang pagabayaran sa tanang mga konsumante sa SOCOTECO II, nga gilangkuban sa General Santos, Sarangani Province, Polomolok og Tupi sa South Cotabato.
Lauman na matud pa nga sa unang bulan sa Enero 2018 mutaas ang pagabayaran nga Monthly bill sa mga konsumante.
Apan dili lamang matud pa sa bulan sa Disyembre mumahal ang singil sa kuryente karon nga napermahan na ni Pangulong Rodrigo Duterte ang Tax Reform Bill posibling musaka na usab ang singil sa bayranan sa Kuryente sa tanang mga Kooperatiba sa tibuok Pilipinas og usa na niini nga maapiktuhan og magpatuman sa power rate increase ang Socoteco II.
Girason karon sa mga kooperatiba sa kuryente ang pagpatong og dugang buwis sa elektrisidad og excise tax sa Coal. Sa tanya sa mga eksperto mamahimong madugangan ang pagabayran sa tanang mga konsumante nga nagkonsumo og tig 1500 matag bulan mamahimong madugangan og 8.00 pesos matag kilowatt hour.
Wala matud pay mahimo ang Socoteco II kung dili ipasa ngadto sa tanang mga konsumante ang unsa mang pagtaas sa buwis ngadto kanila. (Emir Bariquit)
(Photo From Web)
