Ginaplastar na sa subong sang Division of South Cotabato ang gamiton nga modalities ukon pamaagi sa pagtudlo sa diin tatlo sa syam ang ginakonsiderar nga gamiton sang mga eskwelahan sa pagtudlo sa pag-abri sang klase sa Agusto 24 subong nga tuig sa tunga sang COVID-19 crisis.
Suno kay Schools Division Supt. Ruth Estacio ang tatlo ka major nga pamaagi sa pagtudlo nga ipatuman sang mga eskwelahan sa idalom sang division of South Cotabato amo ang normal traditional face to face, online ukon blended learning kag modular learning.
Samtang, ginakonsiderar man nila suno kay Estacio nga ipaagi sa telebisyon kag radio, video lesson, text blast kag iban pa nga pamaagi sa pagtudlo.
Ginkumpimar man sang schools supt. nga singkwenta porsyento sang mga manunudlo sa idalom sang division of South Cotabato ang handa na sa online teaching samtang ang iban naman suno pa ang ipaidalom man sa training.
