Giila ang drayber sa maong single motor nga usa ka unit sa Honda ADU Motorcycle nga si Muhammad Wilghenso Tan, 37 anyos, ulitawo, ug residente sa 486 Salazar Subdivision, Talon-talon, Zamboanga City, samtang ang usa ka Isuzu Forward Aluminum Wing Van, Color blue, nagtangag og plakang numero REL-674, narehistro sa YSU Marketing Corp. sa Cagayan De Oro City, ug gimaneho ni Crister Zenon Jr., 35 anyos, ulitawo, ug residente sa City Homes, Malanang, Opol, Misamis Oriental.
Sumala sa report, nga gadagan gikan sa norte ug padulong sa south nga direksyon ang maong wing van sa dihang pag-abot sa may intersection nga bahin sa maong lugar, partikular na sa Gabunan, Casisang, mibangga ngadto sa kilid nga bahin ang maong single motor nga padulong sa west nga direksyon.
Gumikan sa panghitabo, nakaangkon og nagkadaiyang bun-og ug pangos sa kalawasan ang drayber sa maong single motor nga daling gidala sa balay-tambalanan.
Luwas ra hinoon ang kahimtang sa drayber samtang giturn-over usab sa Malaybalay City Traffic Management Center (TMC) ang mga nalambigit sa disgrasya lakip na ang drayber sa maong wing van alang sa tokmang disposasyon.
