Single motor nabangga driver patay angkas kritikal

33

Tukuran, Zamboanga del Sur – Dead on the spot ang driver samtang kasamtangang nagpaalim pa sa balay-tambalanan ang backrider niini human nabangga ang ilang gisakyang single motor sa konkretong babag sa kilid sa National highway sa Purok 5, Barangay Navalan, Tukuran, Zamboanga del Sur.
Sa imbestigasyon nasayran nga alas 12:50 ang takna sa kadlawon ang duha ka mga biktima ang nagsakay sa single motorcycle Motorstar 110 color orange nga walay plate number kinsa gimaneho sa usa ka Pedro Tutor Jayme, ulitawo, usa ka tindero, ug residente sa Purok Maligaya, Barangay Lantian, Labangan Zamboanga Del Sur uban sa angkas niini si Jason Mainit Tutor, ulitawo, estudyante, ug residente sa Purok Dhalia, Barangay Upper Pulacan, Labangan Zamboanga Del Sur.
Ang driver ang gitoohang lango sa ilimnong makahubog ug aksidenteng mitipas ang iyang gimanehong motor ngadto sa pikas bahin sa karsada ug nabangga sa concrete barrier nga maoy hinungdan sa iyang hinanali nga kamatayon.
Nakaangkon ug mga samad pangos sa nagkadaiyang parte sa kalawasan ang angkas ug dali kining gidala ngadto sa Zamboanga Del Sur Medical Center, Pagadian City arun katambalan samtang ang patayng lawas sa driver ang anaa na Paradise Funeral Homes, Ramon Magsaysay, Zamboanga del Sur.

Facebook Comments