Manila, Philippines – Siniguro ni PNP Chief Ronald Dela Rosa na wala nang mga pulis na sangkot sa transaksyon ng iligal na droga ang mapapasama sa anti-illegal drugs unit.
Ito ay matapos na sa ikatlong pagkakataon naibalik sa kanila ang pagsasagawa ng war on drugs matapos itong ipag-utos ng Pangulo.
Ayon kay Dela Rosa, sa ngayon kumukuha siya ng impormasyon sa mga field commanders upang masigurong magiging malinis sa katiwalian ang mga anti-illegal drugs operation at mas mapaganda pa ang kampanya.
Sa ngayon, pinag-aaralan na aniya nila ang itatawag sa third version ng war on drugs.
At habang wala pang napagde-desisyunan kaugnay dito ay mananatiling double barrel reloaded at oplan tokhang ang tawag sa third version ng anti-illegal drugs campaign ng PNP.
