Sister Susan Bolanio-gikondina ang pag-apil sa iyang pangalan sa matrix nga gasuporta sa NPA

General Santos City–Hugtanong gikondena karon si Sister Susan Bolanio ang nanggawas nga post sa usa ka facebook page nga hukbo.com nga nagapakita ug usa ka structure kon matrix kansa giapil ang iyang pangalan sa mga gikaingong tagasuporta sa NPA sa South Cotabato.
Sumala pa ni Sister Susan nga klaro matud pa nga pag pangguba sa iyahang kridibilidad ug trabaho isip madre ingon man myembro sa usa ka Non Government Organization nga naga tabang sa mga kabus nga mga lumad sa kabukiran ang tumong sa maong post.
Giangkon pa ni Sister Susan Bolanio nga siya nakurat gyud ug dako dihang iyang nasayran nga siya gialigaran nga nagasuporta sa sa teroristang grupong NPA. Dili gyud niya masabtan nganong giapil-apil ang iyang pangalan sa mga nagasuporta sa mga rebelding grupo.
Sumala pa nga siya ilado sa katawhan dili lang sa South COtabato kon dili sa tibuok rehiyon tungod sa HESED foundation nga gitrabahuan niini.
Usa matud pa ka legal institution ang HESED kansa nakarehistro sa SEC ug sa DSWD nga ang tumong mao ang pagtabang sa mga kabus inabagan sa mga ahensya sa gobyerno.
Dugang pagbutyag ni Sister Susan Bolanio nga sa mga tawong nakabutang sa matrix kon Structure nga gipost sa Social Media bugtong si Board Member Molong Solivio,Datu Victor Danyan ug Datu Dandee Danyan lang ang kaila niini gumikan sila maoy gadawat sa ilang ma donasyon higayon nga aduna silay mga outreach program sa mga lumad sa kabukiran.
Wala na matud pa siya nakaila sa uban pa sama nalang sa grupong karapatan, Bayan Muna ug uban pang progresibong grupo. Nanghinaot si Sister susan nga mahinluan ang iyang pangalan gumikans a maong isyu tungod wala kini kamatuoran ug igo lang sya nga gihimuan ug sala.

Facebook Comments