Davao City – Aduna nay pito ka mga gihawirang witnesses sa murder case ni kanhi Barangay 9-A Kapitan Roderico Llubit ang Special Investigation Task Group (SITG).
Gibutyag ni Police Col. Kirby John Kraft, Davao City Police Office (DCPO) City Director, sa interbyu sa DXDC RMN Davao, gikolekta na nila ang tanang affidavits, statements ug ebidensiya sa mga saksi sa pagpatay kang Llubit aron mas lig-on ang kasong iduso sa piskalya.
Sumala ni Kraft usa ka person of interest ang gitudlo sa mga credible nga mga testigo.
“Iisa lang (na personalidad), pinagkokonek-konek lang natin ang kanilang affidavit,” matud niini.
Aduna nay cartographic sketch usab ang mga awtoridad sa gitutukang person of interest.
Gitataw ni Kraft, nagpursige sila karon sa pagkuha og mga ebidensiya ug dugang pang mga testigo aron palig-onon ang kaso una ipasaka sa korte.
Matag semana nagmeeting ang SITG alang sa case conference aron mahatagan og hustisya ang kamatayon sa kanhi kapitan, ingon ni Kraft. Samtang pamilya ni Llubit padayong gihatagan ug proteksyon sa kapolisan.
RadyoMaN Aimee Guinita
