General Santos City—Balik normal na ang sitwasyon sa Sitio Seltex, Barangay Ned Lake Cebu, South Cotabato, human nahitabo ang panag-engkwentro tali sa tropa sa 27th Infantry Battalion, Philippine Army ug sa grupo sa NPA niadtong nakalabayng adlaw.
Sumala ni ni 2nd Lt. Ronjon Palacio, tigpamaba sa 27th Infantry Battalion nga sa karon wagtang na ang tension sa nasangpit nga lugar human nga misibat ang uban pang miyembro sa NPA.
Nasayran nga 7 ang patay sa grupo sa NPA nga mao silang si Datu Victor Danian kansa maoy lider sa mga IP sa maong lugar ug iladong supporter sa NPA, Umpang Dainan, To Diamante, Tan Dania, Samer Angkoy, Mating Balagaban, Pato Silarbo.
Samtang patay usab ang duha ka mga sundalo nga silang si PFC Jovanie Tagactac ug PFC Jay Lord Fernando kansa nakaangkon ug mga samad sa ilang kalawasan.
Namatay ang duha nila ka mga kaubanan human natigayon ang close encounter tali sa grupo sa NPA ug sa ilang Tropa. Si Tagactac namatay gumikan sa tigbas sa iyang liog, samtang ang si Fernando namatay gumikan sa igo sa Shotgun ngadto sa iyang dughan.
Samtang ang pito nga namatay nga miyembro sa NPA ang gikuha na sa tagsa nila ka mga pamilya.
