Makabig nga manageable pa ang sitwasyon sa subong bisan nga mataas ang kaso sang person under monitoring dire sa probinsya sang South Cotabato tungod yara ang mga ini sa barangay, suno kay Provincial Health Officer Dr. Rogelio Aturdido Jr.
Ang problema lang nila suno kay Dr. Aturdido kon magdamo ang person under investigation kon sa diin ang mga ini i-admitir, apang may naplastar na suno pa nga contingency plan ang provincial government upod ang inter-agency task force COVID-19 kon magdamo ang PUI paagi sa pagbutang sa naidentify nila nga ospital ukon pasilidad dire sa probinsya.
Sa subong suno pa nakaactivate naman ang health emergency management team sang IPHO.
Samtang kon ang angot sa kahandaan sang mga health personnel kag subong man sang ila nga pwersa suno kay Aturdido may-yara na sila sang ginplastar paagi sa pagpangayo sang bulig sa PNP kag Bureau of fire Protection kon maglala ang sitwasyon.
Ginkumpirmar niya man nga nakabaton sila sang supply sang personal protective equipment halin sa isa ka non-government organization nga ihatag man nila sa mga municipal health office ang iban kag ang PPE para sa mga barangay health workers ang ginatugyan na nila sa mga munisipyo kag syudad ang pagprovide.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
