General Santos City— Mibalik sa siyam ang drug cleared barangay sa gensan human nga ma-revert kon mabalik sa drug affected ang pito ka mga barangay.
Sumala kang Kath Abad, tigpamaba sa PDEA 12 nga kini base sa datus miabay’ng bulan sa Nobyembre kung asa adunay pito nga na-revert base na usab sa gipagawas nga bag-ong guidelines sa drug board sa PDEA.
Sa karon matud pa adunay laing siyam ka mga barangay ang nagapa-ilalom sa revalidation aron nga madeklarang drug cleared.
Dugang pamahayag ni Abad nga dunay mga kategorya ang matag barangay nga apektado sa illegal nga droga nga mao ang slightly affected, moderately affected ug severe affected.
Kung asa gibutyag niini nga sagad sa mga nahibilin nga mga drug affected barangay ang anaa sa kategoryang slightly affected.
Samtang gibutyag ni Abad nga bisan ug aktibo ang BADAC sa dakbayan sa Gensan, dili gyud malikayan nga adunay ma-revert nga mga barangay hilabina kung dili masustain ang mga programa batok illegl nga droga.
Kalabot niini gibutyag ni Abad nga adunay ginahimong BADAC audit ingon man ang pagpahigayon ug mga proseso batok illegal nga droga.
Saysay pa niini nabutang sa kategoryang slightly affected ang usa ka barangay kung wala kaabot sa 2% ang lambigit sa droga, moderately affected kung anaa sa 20% ang apektado ug severe kung kapin 20% ang apektado sa droga sa usa ka barangay.
Samtang sa karon matud pa nagdumili una ang ilahang intel unit nga ibutyag ang listahan sa mga barangay nga nagpabiling drug affected apan napahibalo na ang mga opisyal sa barangay.
