Roxas City, Capiz – Naglab-ot na subong sa kabug- osan nga 89 ang numero sang kumpirmado nga kaso sang COVID-19 sa probinsya sang Capiz matapos nga siyam(9) ka dugang nga kaso ang nalista kahapon nga adlaw, Agosto 06, 2020 sang Capiz Provincial Health Office.
Sa siyam ka mga new positive, walo(8) sa mga ini ang Locally Stranded Individuals(LSI) kag isa naman ang Returning Overseas Filipino (ROF).
Nagpositibo ang resulta sang LSI nga 31- anyos nga lalaki, nagikan sa banwa sang Tapaz kag may travel history sa Taguig City, Metro Manila.
Positibo man ang LSI nga 31- anyos nga babayi, residente sang Dumalag, Capiz kag may travel history sa Las Piñas/Metro Manila.
Samtang tatlo man ka mga mag-pamilya nga mga taga-banwa sang Pilar lakip ang pito ka bulan nga lapsag ang nagpositibo man sa corona virus disease. Ang mga ini ang may travel history sa Montalban, Rizal.
Dugang nga positibo sa COVID-19 virus ang LSI nga anum ka tuig nga bata nga babaye nga naghalin sa banwa sang Pontevedra. Ini ang may travel history sa Pasig City, Metro Manila.
Duha man ka mga LSI nga tagabanwa sang Pontevedra ang nadugang sa mga confirmed cases sa amu nga banwa kun sa diin ang mga ini ang may yara sang travel history sa Pasig City kag Caloocan City, Metro Manila.
Samtang nalista man sang banwa sang Maayon ang ikalima sini nga kumpirmado nga kaso sang COVID-19 kun sa diin ang amu nga pasyente nga babaye ang nagapang-edaron sang 25- anyos kag may travel history sa pungsod Qatar kag Metro Manila.
