General Santos City–Buluntaryong misurender ngadto sa kapulisan ang siyam ka mga myembro sa rebeldeng New People’s Army (NPA) gikan sa Senator Ninoy Aquino, Sultan Kudarat.
Giila ni Police Chief Superintendent Elioseo Rasco, Regional Director sa Police Regional Office -12 ang mga nahisgutan nga silang Edwin Dalimbang,Jay-Ar Manguda, Abila Dalibang, Adog Dafo, Daniel Digan, Inta Ugba, Tansyong Dafu, Palti Dafu ug Rot Damasio nga samang residente sa Senator Ninoy Aquino.
Lakip matud pa sa hinungdan sa ilang pagbalik sa sabakan sa gobyerno mao ang hilabihang kakapoy sa kabukiran ug ang sunod-sunod nga operasyon sa militar ug kapulisan.
Samtang sa hisgutanang pagputol sa gobyerno sa hinabing pangkalinaw tali NPA, gibutyag ni Gen.Rasco nga naka-alerto sila kanunay ug wala sila nag-ubos sa pagbantay sa sigurdad.
Saysay niya nga sukad sa iyahang paglingkod isip labaw sa Rehiyon 12, nagsunod-sunod ang insidente sa pagpamomba rason nga kanunay silang andam sa iyaha na matud pang gipahimangnuan ang iyahang mga sakop nga dili magpaluya-luya sa pagbantay sa ilahang mga area of responsibility.
kini matud pa ang nagresulta sa laing upat nga miyembro sa NPA nga ilahang nadakpan human ang natigayong engkwentro sa Sitio Matingaw, brgy. Baluan, Palimbang Sultan Kudarat.
