Siyam wanted person sa South Cotabato nasikop sa managlahing operasyon

22

South Cotabato – Siyam ka mga wanted person ang nasikop sa managlahing presinto sa kapolisan sa probinsya sa South Cotabato atol sa gilusad nga Manhunt Charlie Operation pinaagi sa pag-supervise ni Police Colonel Jemuel Siason, Provincial Director sa South Cotabato Police Provincial Office.

Sa report gikan sa South Cotabato PNP, ang mga nasikop giilang sila Lucin Manggay, 53 anyos, minyo, mag-uuma og residente sa Purok Mangga, Barangay Lamlahak, Lake Sebu, South Cotabato; Paquito Habagat Pueblo, 32 anyos, ulitawo, single, laborer og residente sa Purok Magsaysay, Barangay Katipunan, Sto. Niño South Cotabato; Janel Hisona Bejar, hamtong ang edad og residente sa Barangay Liwanay, Banga, South Cotabato; Joyfe Badilla, 30 anyos, single, residente sa Purok 6, Barangay Polonuling, Tupi, South Cotabato; Allan Muninio Acibo, 37 anyos, minyo, laborer, residente sa Sitio Lusok, Barangay Basag, Tboli, South Cotabato; Steve Bonita, 32 anyos, single, jobless og residente sa Prk. Aquino Gate, Brgy Cannery, Polomolok, South Cotabato; Noemi Marquez, 19 anyos, single, jobless og residente sa Sitio Magan, Brgy Centrala, Surallah, South Cotabato; Elsan Pisaro, 22 anyos, single, jobless og residente sa Prk Riverside, Brgy. Sto Niño, Koronadal City, South Cotabato ug Jose Ermitaño Pisaro, 59 anyos, married, electronics technician og residente sa Prk. Riverside, Brgy Sto Niño, Koronadal City, South Cotabato.

Nasayran nga adunay giatubang na mga managlahing bug-at nga kaso ang mga nahisgutang wanted person sama sa Grave Coercion, violation sa PD 1602 Illegal Gambling, PD 449 Cockfighting, Arson, Slight Physical Injuries, Reckless Imprudence Resulting in Grave Felony of Homicide and Damage to Property ug Child Abuse na gipirmahan sa nagkadaiyang korte sa South Cotabato.

Samtang adunay girekomenda nga pyansa ang mga huwes sa South Cotabato para sa managlahing kaso sa mga wanted person aron makaangkon sila og provisional liberty.

Sa pagkakaron nabalhog sa mga municipal police stations sa South Cotabato ang mga suspek og ginahulat sa kapolisan nga makapagawas og commitment order ang korte aron matugyan ang mga nahisgutan ngadto sa Provincial Jail.

(Photo for illustration only)

For more info’s and updates, like and share our official facebook account: www.facebook.com/ifm91.9Gensanofficial/




#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: female-hands-behind-prison-yard-bars-jpeg.jpg]

Facebook Comments