Davao City – Nakalusot na sa second reading sa konseho ang planong paggahin og 10% nga budget gikan sa pondo sa barangay alang ngadto sa ilang Sangguniang Kabataan dinhi sa syudad.
Subay sa resolusyon nga giduso sa SK, giawhag niini ang kapitan sa mga barangay ug ang barangay councils nga iimplementa ang mandatory 10 % nga paghatag og pondo ngadto sa SK nga ilang ginsakpan.
Dugang sa maong resolusyon mao ang pag-request sa Senado ug House of Representatives nga amyendahan ang Republic Act No. 10742 kun The Sanggunian Kabataan Reform Act of 2015 aron sa paghatag og insentibo sa mga opisyales sa SK aron sa ingon nga madasig pa ang kabatan-unan sa pagkab-ot sa ilang mga tinguha isip maoy ginalantaw nga musunod nga mga lider sa dakbayan.
Sa kasamtangan, walay allowances bisan piso ang mga SK Kagawad nga na-elect niadtong bulan sa Mayo sa miaging tuig.
RadyoMaN Faith Golez Dela Peña, HCDC intern
