SK Chairman ngan 5 pa nga nagbabaligya hin "shabu", arestado han PDEA

Baybay City, LEYTE – Arestado an unom nga drug personality lakip an usa nga SK Chairman matapos ma-raid an usa nga Drug Den ha ginbuhat nga buy-bust operation han tinaglawas han Philippine Drug Enforcement Agency (PDEA) ngan Baybay City Police Station ha Brgy. Guadalupe, Baybay City.

Ginkilala an mga suspek nga hira Doni Francis Bisnar Pascua, 21 anyos, usa nga SK Chairman nga residente han Brgy. Poblacion Inopacan Leyte, Jomar Jose Polo, 22 anyos, usa nga mangirisda nga residente ha Brgy. Himoaw, Hilongos Leyte, John Palu Navalez, 24 anyos, usa nga businessman nga residente han Brgy Santa Cruz Hilongos Leyte, Jester James Lora, 22 anyos, waray trabaho nga residente han Brgy. Campina, Hilongos, Leyte, Epheren Son Flores, 30 anyos, usa nga waiter, nga residente han Brgy. Santa Cruz Baybay City, ngan Edison Flores Onipa, 31 anyos, nga residente han Brgy. Santa Cruz, Baybay City.

Samtang usa naman nag suspek in nakalagiw nga ginkilala kan John Zarate.


Nakumpiska ha mga suspek an lima ka sachet nga gin-aaligar shabu nga may kabug-at nga 3 kagramo ngan may estimated value nga P24,000 ngan mga drug paraphernalia.

Hi Polo in papasakahan hin kaso ha pagtalapas han section 5 (Sale Of Dangerous Drugs), section 11 (Possession Of Dangerous Drugs) ngan section 12 (Possession Of Drug Paraphernalia), article II han RA 9165, samtang an iba in mag-aatubang hin kaso ha pagtalapas han section 7 employees/visitors of drug den ngan section 12.

An mga suspek nakapaslak na ha PDEA RO8 detention facility.

Facebook Comments