Nadakpan sa Philippine Drug Enfrocement Agency kon PDEA ug Quezon Municipal Police Station ang usa ka SK Chairman sa Barangay Mibantang lungsod sa Quezon, Bukidnon.
Sa interview sa RMN Malaybalay ngadto kang Police Major Mitchel Clemencio ang hepe sa PNP Quezon gibutyag niini nga gihimo ang drug buy-bust operation alas 12:45 sa udto kagahapon nga nagresulta sa pagkasikop ni Elfe John Ardon, incumbent SK Chairman sa barangay Mibantang.
Gikonsidera kini sa PDEA nga high value target kon HVT.
Matud ni Major Clemencio nga dugay na nila kini untang gipanid-an apan ni laylo kini hangtod nga namonitor nila nga nibalik kini sa pakiglambigit sa illegal nga droga.
Nakumpiska sa PDEA ug kapulisan gikan sa suspek ang 8 ka pakete sa shabu nga nagtimbag ug kapin kon kulang 4 ka gramos nga adunay gibana-banang street value nga 32,000.
Gidala na sa PDEA ang mao nga dinakpan.
Gi-andam na ang kasong ipasaka nga adunay kalambigitan sa RA 9165 batok sa mao nga suspek.
