General Santos City–Gihingusgan ni City Councilor ug SK federation president John Salbador Demdam nga ilang gipaningkamutan nga matabangan ang mga miyembro sa Children in Conflict with the law kon CICL.
Tumong aron nga mabag-o ang ilang kinabuhi pinaagi na usab sa tabang sa gobyerno ug mga sa non government organization nga nagatabang sa mga kabataang nasaag ug dalan.
Sumala sa konsehal nga sa karon ilang ginaawhag ang mga miyembro sa CICL nga mopailawom sa Alternative learning system diin libre silang makaeskwela ug makahuman ug pagtuon inabagan sa Youth Works.ph kansa maoy gatabang sa mga batan-ong mogradwar sa ALS nga makasulod sila ug trabaho sa mga kumpanya dinhi sa Gensan.
Dugang pagbutyag ni Kag. Demdam nga nagabisita usab sila sa matag purok sa 26 ka barangay dinhi sa syudad aron nga sayron kung unsay mga panginahanglan sa mga kabatan-unan aron lang nga sila matabangan.
Sama nalang sa livelihood program o unsa mang matang sa aktibidad aron nga adunay kalingawan ang mga batan-on. Kining maong programa alayon na usab sa kampanya sa SK nga ilikay ang mga kabataan sa krimen ingon man sa unsa mang iligal nga gimbuhaton.
Apan aminado si Kag. Demdam nga sa kasamtangan dili pa sila makalihok ug sakto gumikan na usab sa memorandom circular nga gipagula sa DILG.
