SK Officials, kinahanglan ipailarom ha trainings

24

TACLOBAN CITY – Tapos na An Barangay ngan Sk Elections ngan nakapili na hin bag-o nga mga opisyalis nga malingkod ha pwesto ha sakob han duha katuig.

Ha pagka-yana in ginpapangandaman na han Department Of Interior and Local Government (DILG) an pagdumara hin mandatory training ha mga Newly Elected Sanguniang Kabataan ngan masunod an botosay para ha Sk Federation Officials.

Sumala kan Annie De Asis, Provincial Director Han DILG Leyte, kabulig han ira buhatan an ira mga partners ha academe ha probinsya han Leyte sugad han Evsu, Vsu, Palompom Institute of Technology ngan Abuyog Academy nga asya an mangunguna ha pagdumara han training.

Ig ku-cluster an mga bungto ha bug-os nga probinsya para han training nga magtitikang yana nga adlaw tubtub ha Mayo 24.

Pagkatapos han usa ka adlaw nga mandatory training, in magbobotosay na an kada bungto para ha Sk Federation Officials ha Mayo 29, 2018.

Kukuhaon an pondo ha pagdumara hin mandatory semanar ngan Sk federation Election ha Sk fund kun diin P3,500.00 an pondo kada Sk Chairman nga nakapailarom ha guidelines han DILG.

Facebook Comments