Malaybalay City, Bukidnon – Gipahayag sa National Food Authority kon NFA-Bukidnon nga ang pagpangrehistro o pagpang-lisensya sa tanang “grains businessmen” kon mga negosyante sa humay ug mais, usa sa mga mahinungdanon nga katungdanan nga gitahas sa buhatan.
Sa interview sa RMN Malaybalay ngadto kang Gil Tabor, ang provincial manager sa NFA Bukidnon gibutyag niini nga himoon ang “renewal of license” matag tuig.
Alayon niini gihangyo ang tanan sa pagsunod sa naandan nga “schedule” arun malikayan ang multa niini:
Alang sa bulan sa bulan Enero mao ang mga lungsod sa San Fernando ug siyudad sa Valencia; sa Pebrero ang dakbayan sa Malaybalay, mga lungsod sa Lantapan, ug Cabanglasan; sa bulan sa Marso mao ang mga lungsod sa Quezon, Damulog, Dangcagan, Kitaotao ug Kibawe; sa Abril ang mga lungsod sa Don Carlos, Maramag, ug Kadingilan; sa bulan sa Mayo ang mga lungsod sa Pangantucan, Kalilangan, ug Wao samtang sa Hunyo ang mga lungsod sa Impasug-ong, ug Sumilao.
Apan sigun ni Tabor nga kung pakyas makalukat sa maong mga gitakdang petsa aduna nay penalty.
Giplano usab nila nga nga himoon nang online ang pag-apply ug pag-renew sa lisensya.
Apan tungod matud pa sa hinay nga internet speed maong dili pa nila ni mapatuman.
Samtang gi-aghat usab sa NFA ang mga adunay pangutana nga muadto lamang sa buhatan sa NFA Provincial Office sa Malaybalay City ug pakigkita sa atong personahe sa “registration & licensing section” o tawag sa telepono numero (088) 813-3823.
