Sa Greensburg, Pennsylvania-Estudyante nanawag sa 911 agud ireport nga nag-sleepwalk sya pakadto sa iya eskwelahan.
Ginkasel ang klase sa middle school sa Pennsylvania matapos makita ang bata sa sulod sang eskwelahan sa dis-oras sang kaagahon.
Suno sa state police, nagtawag ang grade 7 student sa 911 alas 2:30 sang kaagahon agud ireport nga ara sya sa sulod sang Wendover Middle School sa Hempfield Township.//
Gin sugid sang bata sa police nga naglakat sya samtang nagakatuylog kag nagbugtaw nga ara na sa sulod sang eskwelahan.
Nakasulod sa eskwelahan ang bata paagi sa bintana kag naglagaw-lagaw sa sulod sang 15 minutos.
Makatilingala bangud apat ka milya ang kalayuon sang puluy-an sang bata sa eskwelahan.
Ginaimbestigaran na ini sang mga otoridad kun ano ka matuod ang alegasyon sang bata bangud sa amo man nga eskwelahan may natabu nga pagmahaog sang isa ka estudyante nga luthangon ang iya classmate nga babaye.
