Wala nagustuhan ni Kris Aquino ang ghinasiling nga pagligwat sang kasaysayan ilabi na sa hinimuan sang iya iloy nga si anay Pres. Corazon Aquino.
Sa iya instagram post ginsiling ni Kris nga masakit paminsaron nga may mga tawo nga pilit ginabag-o nga history paagi sa ila mga ginabaydan nga nagapalapta sang fake
news agud hinabunan ang kalautan sang anay presidente nga si Ferdinand Marcos.
Pag-ako ni Kris nga indi man perfect ang ila pamilya apang dapat lang nga pangapinan niya ang iya iloy.
Si Cory ang nagpungko nga presidente sang napukan sa poder ang rehimeng Marcos matapos ang malapit tatlo ka dekada nga diktatorya.
Si Cory man ang isa sa apat ka kababaehan nga nalakip bilang persons of the year nga babaye kaupod kanday Wallis Simpson sadtong 1936, Queen Elizabeth II sang 1952, kag German Chancellor Angela Merkel sang 2015.
Nahibaluan nga ginaquestion sang iban ang natabu nga Edsa People Power kag ang mga hinimuan sang Cory Administration.
