General Santos City- Gipasabot ni Glenville Gonzales ang Assistant City Administrator sa Gensan nga dili pa basta-basta nga magamit ang dialysis center sa dakbayan sa Gensan.
Sumala pa niini, nga kumpleto na ang tanang dokumento sa maong proyekto og bisag unsan adlawa ang mamahimong na kining mapasar sa Department of Health ( DOH), apan sumala pa niini nga wala pa nahuman ang training sa mga dialysis nurses nga usa sa mga rekositos.
Pagpasabot niini nga kinahanglan nga humanon ang tanang mga pagbansay sa mga nahisgutan tungod kay usa kini ang pangitaon sa DOH aron nga matagaan og License to Operate ( LTO).
Dugang pa niini nga anaa na ang mga himan, apan daghan pa ang angayan nga han-ayon.
Matud pa ni Gonzales, nga dili matud pa angayan nga paspasan ang maong proyekto tungod kay kinabuhi ang mabutang sa peligro kung dili han-ay.
Sa karon matud pa, anaa na sa dul-an 200 ka mga pasyente ang nagpa-reserve kon mga renal patients nga sagad moadto pa sa Davao City alang sa ilahang dialysis, og dakong tabang alang sa mga kabus nga maka-menus og gasto alang sa pagpa-dialysis.
