Davao City – Gipaabot ngadto sa konseho ang hinay nga koneksyon sa internet atol sa nahitabong 22nd Regular Session sa 18th City Council.
Sa iyang privilege speech, gibutyag ni Councilor Conrado Baluran nga nagkatipun-og na ang reklamo bahin sa serbisyo sa PLDT ngadto sa mga Dabawenyo.
Segun ni Baluran nga dili na dapat ipaagi pa sa mga Customer Service Representatives (CSR) ang mga mulo sa ilang mga kliyente gumikan mas paspas kining matubag sa mga technicians o kadtong direkta mismo sa ilang opisina.
“We pay well and we deserve the utmost service,” matud niini.
Gani, isip chairman sa Committee on Transportation and Communications, iyang giduso nga i-refer ang maong problema ngadto sa mga hingtungdang ahensiya aron masolusyonan.
RadyoMaN Jason Amisola
