Andam na ang mga nagdumala sa SM City Butuan nga modawat sa mga CARAGAnon.
Gikasayran nga paga-ablihan ang maong establesimento karong umaabot nga adlaw sa Byernes, Ika – 13, bulan sa Nobyembre, tuig 2020.
Sigon sa mga nag dumala sa maong mall, ipatuman ang hingpit nga pagsunod sa gikatakdang safety measures, kini subay sa mandato nga gipagawas sa gobyerno arun mapugngan ang pag kuyanap sa COVID 19.
Ang SM City Butuan usa sa mga unang shopping mall sa nasud nga mo abli sa panahon sa pandemya. Busa hingpit gayud nga ipatuman ang minimum health standards arun masiguro nga luwas ang mamalitay niini.
Usa sa mga health measures nga ipatuman ang gitawag nga Trace Together, diin mogamit ug QR code arun ma access ang health declaration form.
Ipatuman usab ang “No mask, No entry” Policy, pag gamit ug thermal scanners sa tanang entry point arun masuta ang body temperature, pagamit ug disinfectant mats, ug automatic hand sanitizers arun masigurong luwas ang mga mamalitay.
