*Bacolod City* – Nagfile sang motion for reconsideration ang SM Prime Holdings Inc. angot naman sa ruling sang Bacolod Regional Court sa diin nagadismiss sa kaso nga ginpasaka sini sa mga katapo sang Negros Occidental officials sa pagbaligya kag pagpa-arkila sang duta sang provincial government sa AyalaLand Inc.
Sa desisyon ni Bacolod RTC Branch 48 Judge Rosario Ester Orda-Caiseon sang March 3, ginbasura sini ang civil case nga ginfile sang SMPHI kontra sa mga katapo sang Negros officials sa pagpanguna ni Gov. Alfredo Marañon Jr. bangod sa forum shopping.
Sang May 2014, ang SMPHI nagpasaka man sang civil case para sa declaration of nullity of deed of conditional sale kag contract lease nga gin-execute sa tunga sang Negros Occidental Provincial government kag ALI.
Pagpati sang SMPHI nga nagsala ang huwis sa iya nga desisyon bangod para sa ila wala sang forum-shopping nga natabo.
Ila man ginahingyo ang korte nga ideklara ang deed of conditional sale kag contract lease sa tunga sang probinsya sang Negros Occidental kag ALI nga null and void.
Sa karon ang ALI ang nagapatukod na sang hotel kag mall sa mga propedad nga gina-question sa korte, sa diin pila sa mga struktura ang posibli maga-operate na sa sini nga tuig. */dyHB-Bacolod*
