Temporaryo nga ginpauntat sang Provincial Environment and Management Office sang South Cotabato ang operation sang mga small scale mining tunnel sa banwa sang T`boli tungod sa magkasunod nga naeksperyensyahan nga linog, aftershocks kag heavy rainfall sa probinsya.
Suno kay PEMO Sigfred Flaviano ini ang paagi sa pagpaggwa sang advisory sa mga small scale mining operators sa banwa.
Sa nasambit nga advisory nabalhag ang pagpatigayon sang talatapan sa koordinasyon sang iban nga concern nga ahensya sang gobyerno ang pagpatigayon sang inspeksyon sa tanan nga small scale mining areas agud nga i-assess ang stability kag safety sang mga tunnels.
Ang nasambit nga tikang sang iya talatapan suno kay Sir Flaviano ang bilang precautionary measure kag isiguro ang safety sang tanan nga small scale miners.
Ginaremind man ang mga tunnel operators angot sa PMRB policy nga utomatiko nga isupindir ang ila operasyon sa tion nga magpadayon ang heavy rains kag wala ginapahanugutan ang pagpatigayon sang operation sa gab-i.
Samtang kon maassess nga safe ang lugar pahanugutan man ang mga ini nga magbalik sang operation.
