SMI indi pa basta makaoperate, isyu sa pagban sang open pit mining kinahanglan pa nga i-resolve.

Indi pa basta makaoperate ang Tampakan Copper Gold Project sang Sagitarrius Mines Incorporated ukon SMI tungod may-yara pa sila sang dapat nga i-comply nga mga requirements kapareho na lamang sang Environmental Compliance Certificate, memorandum of agreement sang mga IP`s nga kinahanglan aprobahan pa sang National Indigeneous Peoples (NCIP) Chairperson kag iban pa.
Ini ang nangin kumpirmasyon ni Hernani Abdon, Chief Mining Division sang Mines and Geosciences Bureau ukon MGB 12.
Samtang lakip man sa iresolber pa nga isyu suno kay Sir Abdon ang angot sa ban sang open pit mining sa South Cotabato kag subong man ang sa national tungod wala pa man nalift ini nga gindeklarar sa panahon ni anay DENR Secretary Gina Lopez.