Ta prinsipya ya el conducta del Smoke Out Grille-Grilled Food Fiesta y Grand midnight Sale alyi na RT Lim Boulevard.
El govierno local de Zamboanga ya escuji con el locaccion para el conducta del tal actividad para fuede engganya mga visita y atreje mga vivientes pasya y come mga deliciozo asao comida desdel deferentes mga comersyante que ta chene oportunidad vende diila mga product na lugar.
Chene total de veinte-tres mga estante que ta vende mga fresco asao mga comida y cuarenta mga establisimiento que ta vende tambien otro-otro mga producto desdel deferentes parte del paiz na entero derechura del RT Lim Boulevard.
El mensyonao actidiad hay esta prinsipiando Setyembre 30 hasta Octubre 11 como parte del actividades del Zamboanga Hermosa Festival 2017. – *Bhong Simbajon/RMN News*
