Nagpahimangno karon ang City Health Office ning siyudad sa Malaybalay sa publiko nga hingpit nang gipatuman ang smoking free ordinance sa dakbayan.
Sa interview sa RMN Malaybalay ngadto kang Grace Lingcasan, ang health education and promotion officer III sa CHO Malaybalay gibutyag niini nga kaniadtong katapusang semana sa Pebrero ilang gisugdan ang pagpatuman sa Ordinance no. 885 series of 2017 kon An Ordinance Revising the Smoke-Free Ordinance of the City of Malaybalay.
Matud niya nga ilang gipang-isyuhan ug citation ticket kadtong mga indibidwal nga nanigarilyo sa pampublikong lugar.
Sigun niini nga aduna silay gitukod nga Anti Smoking Task Force. GIklaro usab niya nga sa karon bugtong ang mga kapulisan pa ang mamahimong manakop sa makasupak sa mao nga ordinansa.
Gidugang pa ni Lingcasan nga sa karon aduna nay gipangbayad ug penalty sa city treasurers office. Aduna na usab daw’y mga nag-community service sa barangay ilabina kadtong mga studyante nga nadakpan.
Sa karon inidibwal pa ang ilang target ug sa bulan sa Abril ilang target na usab ang mga establishment.
Lauman usab sa sunod nga mga bulan aduna na silay ma-deputized nga mga enforcers.
