Smuggled nga mga sigarilyo nga nibalor sa kantidad nga 3.5 million nakumpiska

13

Zamboanga City – Nakumpiska sa mga otoridad ang smuggled nga mga sigarilyo nga nibalor sa ₱ 3,500,000.00 didtung dapita sa Manalipa Island, syudad sa Zamboanga samay ala una ang takna sa niaging adlaw.
Nag-ipon ug pwersa ang mga otoridad gikan sa 2nd Zamboanga City Mobile Force Company kauban ang mga peronahi sa Bureau of Customs, Intelligence and Investigation Service (CIIS) ug Enforcement and Security Service.
Agig resulta sa maong operasyon naharang ang usa ka unit sa kolor gray nga motorized wooden watercraft nga mas naila sa tawag nga Jungkong” diin may timaan nga MPB “Arshan-2” gipanag-iyahan ni Merham Jalilul.
Sa dihang gisuta kun duna bay mga importanti nga mga dukumento pakyas sa pagpresenta ang upat ka mga crew members niini.
Ang upat ka mga crew members nasayran nga sila si Amil Alikol Baladji, 33 anyos,lalake, taga Brgy. Arena Blanco, Zamboanga City, Sani A Samman 27 anyos gikan sa Jolo Sulu; Aderson Alikol Baladji, 28 anyos, ug Jefrey Sa-in, 49 anyos, gikan sa Maluso Basilan.
Karga sa maong sakyanang pandagat ang 100 ka master cases sa mga smuggled nga mga sigarilyo.
Sa ulahing datus nasayran nga ang maong mga smuggled nga mga sigarilyo, Jungkong, lakip ang mga crew merbers gidala sa buhatan sa Bureau of Customs Zamboanga alang sa tukmang disposisyon.

Facebook Comments