Alas 9:50 sa gabii niadtong Sabado (Mayo 28, 2022) sa dihang naharang sa Sirawan checkpoint sa Toril ang anaa sa 100 reams sa iligal nga sigarilyo nga mukantidad og P50,000.
Ang mga suspek nailang sila Viejay Sahidain, 35 anyos, minyo, residente sa Purok 20, Acacia, Calinan; Marvin Anub, 32 anyos, minyo, residente sa Purok 4, Barangay Tamayong, Calinan; ug Palma Sahidain, 36 anyos, residente sa Purok 6, Barangay 23-C, Mini Forest, Davao City.
Arestado usab sa maong adlaw ang usa ka Amir Asiri Ambutong, 45 anyos, minyo, residente sa Malasugat Sangali, Zamboanga City, tungod sa pagdala og imported tobaccos nga mukantidad og P25,000
Ang nahishutan mag-atubang sa kasong paglapas sa Republic Act 4712, o an act amending certain sections of Tariff and Customs Code of The Philippines.
Samtang, sikop usab sa Lasang checkpoint sa Bunawan ang usa ka Michael Angelo Rollen Requina, 33 anyos, minyo, residente sa Purok 3, Lubogan Toril, Davao City. Ang suspek usa sa pasahero sa public utility van nga nagdala og upat ka sachet sa shabu nga anaa sa 1.36 grams nga kantidad sa P21, 760.
RadyoMaN Kirby Manzon
