Davao City – Dugay na matud pa ang dulaay sa transaksiyon sa smuggled rice nga barato sa mga syudad sa Tawi-tawo, Sulu, Basilan ug Zamboanga.
Kini ang gibutyag ni Department of Agriculture Sec. Manny Piñol atol sa interbyu kaniya sa tulumanong ‘Straight to the Point’ diin segun niini nga gipasagdaan sa maong mga syudad ang ilang nagkadaiyang rice industry.
“So clearfully they killed the rice industry in their areas and even traders of rice naglisod kung unsaon pag compete sa mga smuggled nga bugas so they stopped producing,” gitataw niini.
Busa sugyot ni Piñol nga kinahanglan magprodyus og kaugalingong supply sa bugas ang Pilipinas ug dili magdepende sa imported supply aron malikay nga masinatian ang maong kakulangon.
“Para sa ako basic na sa usa ka local government executive nga maghimo og food security plan – ihapon nimo kung pila ka tawo naa sa imong lungsod, can you produce it locally if or you have no resources,” matud niini.
Sa pagkakaron, gimandoan ni Piñol ang LGU-Tawi-tawi ng mu-identipika og luna aron tamnan og humay isip solusyon sa problemang gikaatubang karon.
RadyoMaN Jason Amisola
