TACLOBAN CITY – Libre nga ginkasal an sobra 100 nga mga mag-tiayon ha gindumara nga “Kasalan Ng Bayan” ha Tacloban City Atrodome dida han byernes, Marso 1, 2019.
Sumala kan Imelda Roa han City Civil Registrar Office, maabot ha 129 nga mag-tiayon an ginkasal.
Diri na hira magbabayad han ira marriage applications ngan marriage licenses.
Antis an wedding ceremony, umatinder anay an mga mag-tiayon ha marriage orientation activity ngan wellness talk nga ginpangunahan han City Population Office ngan Special Health Program Unit han syudad.
Dugang nga pamahayag ni Roa, usa la an kwalipikasyon para han libre nga kasal, kinahanglan naglulungon na hira ha sobra lima (5) katuig.
An Oxfam, We Care Partners ngan City Government an mga sponsors han “Kasalan Ng Bayan”.
