Sobra 200 sakop sa response cluster i-deputize batok quarantine violators

Davao City- Kapin 200 ka mga personahe sa City Government of Davao ang ipang-deputize aron mutabang sa pag-imposar sa mga malapason sa Minimum Public Health Standard.

Sa interbyu sa RMN Davao kang Public Safety and Security Command Center chief Angel Sumagaysay, mupailawom sa orientation ang maong mga personahe sa pagpanakop sa mga violators partikular sa Mandatory Wearing of Face Mask ordinance sa dakbayan.

Matud ni Sumagaysay, pipila sa mga ni-signify nga muapil sa mga gipang-deputize naggikan sa City Transportation and Traffic Management Office (CTTMO), City Economics Enterprise Office, City Health Office, City Tourism Operations Office, Vice Mayor’s Office ug Prevention and Enforcement.

Gibutyag ni Sumagaysay, kinahanglan nasayod kini sa ilahang trabaho diha sa pagpanakop ug pag-isyu og citation ticket sa mga malapason.

Ang mga madakpang wala magsuot og face masks adunay multa nga P500.00.

RadyoMaN Aimee Guinita