TACLOBAN CITY – Gintanggal han Department of Social Welfare and Development (DSWD) Regional Office 8 an 36,676 nga mga mga miyembro han Pantawid Pamilyang Pilipino Program (4P’s) dinhi ha Region 8.
Ini nga datos tikang ha tuig 2009 ngada yana nga tuig 2019.
Sumala kan Michelle Calzado, Regional Focal Person han 4ps, kaurugan han mga natanggal in waray na anak nga nag-eedad hin 0-18 years old.
Natanggal gihapon an iba nga mga miyembro han 4ps, tungod nga nakit-an han DSWD nga nagbinuwa an mga ini ha ira ginhatag nga mga impormasyon ha nasabi nga ahensya.
Gintanggal gihapon han DSWD an iba nga miyembro han 4ps tungod nga nakit-an nga miyembro hira ha usa nga bungto ngan miyembro gihapon hira ha iba nga bungto, karuyag sidngon damo nga cash grants an ira nakakarawat ha kada pay-out.
Siring ni Calzado, diri nira mapapalampas iton sugad hini nga sitwasyon.
Ha pagka yana, mayada 265,385 nga mga miyembro han 4ps ha bug-os nga Region 8.
(Photo from web)
