TACLOBAN CITY – Magdedeploy an Police Regional Office 8 hin sobra 8,000 nga mga kapulisan kumo pangandaman ha tikaarabot nga filing of Certificate Of Candidacy ha Oktobre 11-17, 2018 ngan ha piniliay sunod nga tuig.
Sumala kan PSSupt. Rolando Miranda, Deputy Regional Director for Operations han PRO8, popokusan han mga kapulisan an mga lugar ha Sinirangan Bisayas kun diin may history na hin kasamok dida han naglabay nga mga eleksyon ilabi ha probinsya han Samar.
Dugang pa han opisyal, mayada ginmomonitor an PNP nga mga politiko nga nagamit hin Private Armed Groups (PAG’s) nga posible magin kawsa han mga pamatay.
Ha pagkayana in waray pa magpagawas hin listahan han areas of concern an PNP tikang ha unom nga probinsya ngan mga syudad, pero ginpatapod han opisyal nga padayon an koordinasyon han PNP ha Commission On Elections (COMELEC) ilabi na ha mga election officers kada bungto agud magin mahimyang an tikaarabot nga May 2019 elections ha Sinirangan Bisayas.
