Davao City – Sulod sa panimalay sa may North Eagle 1, Tagum City naaresto kaganihang 1:30 sa kaadlawon ang mag-uyab nga mga suspek atol sa gikasang buybust operation sa Bunawan Pnp uban ang Task Force Davao.
Gibutyag ni Bunawan PNP Station Commander Police Major Noel Villahermosa nga mokabat sa kapin P1M kantidad sa shabu ang nasakmit atol sa drug operasyon.
Segun ni Villahermosa nga target nila sa maong operasyon ang lalaking drug suspect nga si Michael Madelo Duarte, 37 anyos.
Daling giposasan ang suspek atol sa pagtunol sa gibaligyang shabu ngadto sa asset sa mga pulis.
Sikop usab ang uyab niining si Catherine Flores Catamora, 24 anyos kinsa kauban niini sa transaksyon.
Gihulat karon sa kapulisan ang resulta sa drug test sa mga suspek.
Matud ni Villahermosa kasong paglapas sa Sec. 5 ug Sec. 11 ang gitakdang ipasang-at batok sa mga dinakpan.
RadyoMaN Aimee Guinita
