Malaybalay City, Bukidnon – Mikabat na sa siyam ka mga anti illegal drug operations ang napahigayon sa kapulisan sa nagkadaiyang bahin sa probinsya sa Bukidnon.
Kini sukad nga gibalik na ngadto sa PNP ang sa kampanya kontra illegal nga droga.
Sa interview sa RMN Malaybalay ngadto kang PSI Jiselle Ester Lou Longakit, ang spokesperson sa PNP Provincial Command gibutyag niini nga 9 ka anti illegal drug operation ang napahigayon sa ilang lower units sugod Disyembre 5 sa nakalabay nga tuig hangtod, Enero 9.
Matud ni Longakit nga naglangkob kini sa pito ka drug buy bust operation, 1 ka operasyon usab pagpang-ibot sa usa ka Marijuana Plantation didto sa lungsod sa San Fernando ug ang pagsilbi sa usa ka warrant of arrest nga gihimo sa ilang special unit.
Gibutyag ni Longakit sa mao nga operasyon walo ka suspetsado ang nadakpan.
Nagpahimangno usab ang PNP nga lauman nga mas daghan pang anti-illegal drug operations ang ilang himoon.
