Davao City – Kinahanglang mapatuman sa matag opisina o establisyemento, ang social distancing ilawom sa General Community Quarantine (GCQ) sa Davao City, subay sa guidelines sa lokal nga panggamhanan pinaagi sa Omnibus Guidelines on the Implementation of Community Quarantine in the Philippines.
Gimanduan ni Davao City Mayor Sara Duterte ang mga matugotang mag-operate ilawom sa GCQ nga mga business establishments ug mga aktibidad nga ipatuman ang usa ka metro nga distansya aron dili magtapok ang mga empleyado.
Kung dili ma-comply ang distancing, magpatuman og work arrangement sama sa shifting work schedule o 50% lang ang mga empleyadong mosulod, samtang ang ubang trabahante naka-work from home.
“We will be on a full operational capacity, but on a shifting work schedule. So dili mag abot tanan sa office. This can be followed also sa mga private offices and establishments. Gisunod namo tong Civil Service Memorandum nga 3 days trabaho, 2 days work at home, ”
Sumala pa, kinahanglan adunay floor plan alang sa social distancing, agi-anan sa hallways, ug sa mga kliyente o customers. Mando sa mayor, ang matag opisina magbaton sa hand washing facility, alcohol station, adunay kaugalingog keyboard cover ug headset ang mga empleyado ug mandatory nga magsul-ob sa face mask.
RadyoMaN Aimee Guinita
