Social distancing penalties angayan

Davao City – Pabor ang usa ka Davao law practitioner nga prisohon ang mga tawong wala magtuman sa physical distancing ug magsuot og face mask samtang anaa sila sa mga pampublikong lugar.

Segun ni Davao lawyer Leonard Cagatin, anaa pa karon sa pandemic situation ang entero kalibutan diin sa Asya ang labing apektado mao ang Pilipinas diin adunay merito ang sugyot nga bilanggoon ang mga gahi’g ulo ug ang mga pasaway sa minimum health standards.

Sumala ni Cagatin, mas maayong ma-preso ang mga social distancing violators aron mapadala ang mensahe nga seryoso ang gobyerno sa pagpatuman sa tanang mga talamdan kun guidelines ning panahon sa COVID-19.


Dugang usab ni Cagatin nga ang pag-preso sa mga badlungon dili pagpasulabi sa poder apan pag-asssert lamang sa awtoridad sa estado nga panalipdan ang iyang mga lungsuranon gikan sa makamatay nga balatian nga wala pay nakaplagang vaccine kun bakuna.

Nagtoo si Cagatin nga ang awhag ni Mayor Sara Duterte-Carpio nga mag-‘stay home’ ang katawhan daku’g ikatabang diha sa pagpugong sa pagkaylap sa fatal virus pinaagi sa self-quarantine ug personal discipline.

RadyoMaN Joel Viray

Facebook Comments