Davao City – Gipaklaro karon sa Commission on Elections (COMELEC) Davao Region nga dili nila malutos ang mga kandidato nga sayo nangampanya sama sa ginahimo sa uban sa social media partikular ang Facebook.
Sumala ni COMELEC-XI spokesperson Atty. Krisna Caballero, dili pa nila makunsidera sa ilang buhatan nga ‘premature campaigning’ ang gihimo sa mga kandidato kay walay guidelines gipagawas ang ilang central office labot sa maong isyu.
Apan gipaniguro ni Caballero nga apil unya sa regulasyon ang limitasyon sa pagpangampanya ug pag-promotar sa mga kandidato ang social media partikular sa Facebook, Instagram ug Twitter accounts.
Nagbahad daan ang tigpamaba sa poll body nga pahamtangan og kaso ang si bisan kinsang kandidato makalapas sa guidelines sa kampanya sa eleksyon sunod tuig.
Gani kamatuoran niini, adunay kapin 200 ka mga kaso sa premature campaigning ug uban pang bayolasyon sa pagpangampanya ang desisyonanan pa sa komisyon, panapos ni Caballero.
RadyoMaN Joel Viray
