Gikataho karon sa Regional Tripartite Wages and Productivity Board (RTWPB) nga usa ang economy situation sa rehiyon nga ginalantaw sa pagpausbaw sa swelduhan.
Sa interview sa RMN Malaybalay ngadto kang Atty. Ma. Vergel Mawag, Board Secretary sa RTWPB-10, gibutyag niya nga usa sa ginakonsiderar sa board aron usbawan ang swelduhan matag rehiyon mao ang economy situation.
Dugang niya nga ang Rehiyon-X usa sa mga nakadawat sa seasonable increase gikan sa Board diin muabot sa 47 pesos ang hingpit nga mapa-usbaw pag-abot sa Disyembre 18.
Gipahimangnuan usab ni Atty. Mawag ang mga employers nga sugod Hunyo 18, ipatuman na ang pag-usbaw sa swelduhan.
Apan kung dili pa makaya sa pipila ka mga establisyemento, adunay exemption nga gitalaga ang board, kinahanglan lang sumala pa nga makigkoordinar kanila aron nga maka-comply sa requirements nga gikinahanglan nga kutob lang sa August 16, 2022.
Facebook Comments
