Subli na usab karun nabanhaw ang panawagan ngadto na sa liderato sa PNP, nga dugangan ang pwersa sa Scene of the Crime Operatives o SOCO arun mapadali ang pag-imbestigar sa mga krimen nga mahitabo dinhi.
Kining maong panaawagan, gipalanug diha na sa social media human ang kasong pag-lunggo sa liug sa usa ka security guard sa Butuan, diin hangtud sa pagkakarun wala pay na presenta nga suspect ang kapulisan sa Butuan City Police Office BCPO.
Giangkon usab ni Police Superintendent Martin Gamba, spokesman sa Police Regional Office 13, nga kulang gayud ang mga personahe sa Crime Laboratory SOCO dinhi sa rehiyun sa Caraga.
Anaa lang sumala pa sa mga Police Provincial Offices and mga imbestigador sa SOCO ug walay SOCO personnel ang mga stasyun sa kapulisan.
Una nang mitumaw ang rekomendasyun sa publiko, nga dapat matag police station adunay SOCO personnel arun dali ang pag responde sa krimen.
Sagad nga masinati, nga hilabihan kadugay ang pag-responde sa matag krimen gumikan sa kalayo sa lugar, ug kulang nga pwersa sa SOCO.
Gumikan sa kaduhay, hayan ma usab na ang plastada sa mga ebidensya, ug adunay dakong posibilidad nga mahanaw ang mga physical evidences nga maka apekto sa kasulbara sa krime sama sa patay, lugos, tulis ug uban pa.
Gipahayag usab ni Supt Martin Gamba. gIpahigayon sugod karong adlawa hangtod Hulyo 28 ning tuiga ang Imbistiga Tour nga gipaluyuhan sa Directorate for Investigation and Detective Management (DIDM) sa PRO 13.
Tumong ug tuyo sa maong kalihukan aron motaas pa ug madugangan ang kahibalo sa kapulisan mahitungod sa imbistigasyon sa matag kaso nga ilang mahuptan.
Gikabutyag nga mokabat sa 140 ka partisipante ang motambong sa maong kalihukan nga gilangkuban sa mga personahe sa Crime Laboratory, CIDG, ug mga kapulisan ning rehiyon, diin si PCSupt. Eric Serafin Reyes, ang deputy director sa DIDM ang pinasidunggang bisita sa maong okasyon.
