Davao City – Gitinguha karon sa Scene of the Crime Operatives (SOCO) nga aduna pa silay makuhang mga DNA samples didto sa mga nakaplagang paa sa tao sa Brgy. Limao, Samal District, Island Garden City of Samal.
Sa eksklusibong interbyu sa DXDC RMN Davao kang PCI Nolan Genova sa SOCO XI nga gamay ang tsansa nga maila ang maong mga biktima gawas nalang kung adunay mga kabanay nga mupatim-aw ug i-match ang ilang mga DNA ngadto sa mga makuha karon nga mga samples gikan sa nahibiling mga parte sa lawas.
“Napakaliit ng chance niyan kasi baka mamaya wala rin tayong makuhang DNA strands kasi knowing na nasa dagat iyan nakita pweding ma-destroy ang traces ng DNA,” matud ni Genova.
Gibutyag ni Genova nga kasamtangang naka-preserba pa sa pagkakaron ang maong mga parte sa lawas ug gikatakdang iyang imbestigahan kini karong Biyernes.
“Kukuha ako ng sample sa long bone doon sa femur kasi andoon iyong bone marrow eh. E-examine ko iyong buto at i-identify kung ano ang gender tapos kung totoo bang magkaibang tao ba ang may-ari sa mga parts na iyon tapos kuha uli tayo ng sample for the future reference ng DNA at siguro sa height pwedi pa nating ma-compute,” sumala ni Genova.
Gidasig ni Genova ang IGACOS PNP nga makigkoordinar sa laing pang mga kapulisan aron ipanawagan ngadto sa mga publiko kung nawad-an sila’g mga kabanay.
“Dapat makipag-coordinate iyong SAMAL at ikalat nila na may natagpuang remains doon sa kanila kasi ito lang din ang capable namin ang DNA kasi kung maghahanap kukuhanan natin iyong sample ang naghahanap at i-compare kung related sila,” matud ni Genova.
Sumala ni Genova lakip niining himuong eksaminasyon sa mga parte sa lawas kung unsay pamaagi sa pagtagod-tagod niini kung gituyo kini pinaagi ba sa usa ka hait nga butang o ngipon sa usa ka hayop.
RadyoMaN Aimee Guinita
